- மாலினியின் உணர்வுகள்

பிரிவு

nospam@example.com (malinihariprasad) — Sat, 29 May 2010 06:22:12 -0400

பிரிவு என்பது
உடலினை பொருத்தது !
மனதினை பொருத்தது அல்ல !
நாம் உடலினால் மட்டுமே
பிரிகிறோம் !
உணர்வினால் அல்ல !!

பிரிவு

nospam@example.com (malinihariprasad) — Tue, 30 Mar 2010 07:47:13 -0400

இந்த இரண்டு வருடத்தில்
நான் அவனை பிரிந்ததே இல்லை !
இந்த இரண்டு நாளில்
அவன் பிரிவை நன்கு உணர்கிறேன் !
எங்கு சென்றாலும் அவன் என்னை
பின் தொடர்கிறான் !
கண்களில் கண்ணீரோடு பிரிந்து வந்தேன்
ஆனால் நீயோ விளையாடி கொண்டிருந்தாய்
நடப்பது அறியாமல்
அறியும் வயதும் இல்லை உனக்கு !
உன் நிழலோடு பேசி நினைவோடு உறவாடி
உன்னை நேரில் காணும் நாளை
எண்ணிக்கொண்டு
காத்துக்கொண்டிருக்கிறாள் இந்த தாய்!!

மூக்கு கண்ணாடி

nospam@example.com (malinihariprasad) — Thu, 18 Mar 2010 02:20:02 -0400

மூக்கு கண்ணாடி அணிந்தால்
பலருக்கு
அழகு கூடுமாம் !
ஆனால்
மூக்கு கண்ணாடியின் அழகு கூடியது
அதனை என்னவன் அணிந்ததினால்!!

தோள்கள்

nospam@example.com (malinihariprasad) — Fri, 05 Mar 2010 05:44:18 -0500

கதிரவன் உதிக்கும் முன்னே துயில் கலைந்து
வீட்டு பணிகளை முடித்து
மாநகர பேருந்தில் இடிபாடுகளில் சிக்கி
ஒரு வழியாக அலுவலகம் சேர்ந்து
பின் வீடு திரும்பி
மிச்ச மீதி உள்ள கடைமைகளை முடித்து
இடையில் கொஞ்சம் மகனுடன் விளையாடி
துயில் கொள்ள செல்லும் போது
ஏற்படும் வலியை சொல்ல வார்த்தைகளே இல்லை!
இருந்தால் என்ன ?
என் வலிகளை எல்லாம் மறந்து
ஆதரவாய் சாய்ந்து கொள்ளத்தான்
என்னவன் தோள்கள் இருக்கின்றதே !!

நீண்ட தூர ரயில் பயணம்

nospam@example.com (malinihariprasad) — Tue, 23 Feb 2010 04:09:14 -0500

நீண்ட தூர ரயில் பயணம் !
பொதுவாக அனைவருக்கும் பிடித்த பயணம் !
பலதரப்பட்ட மனிதர்கள் !
சுவாரஸ்யமான நிகழ்வுகள் !
போவோர் வருவோர் எழுப்பும் ஒலிகள் !
அவ்வொளிகளுக்கிடையே சுகமான தூக்கம் !
இவ்வனைத்தையும் காட்டிய பயணம் !
என் வாழ்க்கையையே மாற்றிய பயணம் !
ஆம்
நான் என்னவனின் கரங்களை முதன் முதலாக பற்றியதும்
ஒரு நீண்ட தூர ரயில் பயணத்தில் தான்!!

அவனுள் வந்த மாற்றம்

nospam@example.com (malinihariprasad) — Wed, 17 Feb 2010 03:37:54 -0500

இப்போதெல்லாம் இரவில்
அவன் கண்கள் என்னை தேடுவதில்லை !
அவன் கைகள் என்னை தீண்டுவதில்லை !
எனை தீண்டவிடுவதுமில்லை !
என்னை அணைத்தபடியே தூங்கிய அவன்
இன்று அண்டவே விடுவதில்லை !
ஏன் இந்த திடிர் மாற்றம் !
ஆனால் அதிலும் ஓர் ஆனந்தம்தான்
என் மகன் என்னை விடுத்து அவன்
தந்தையிடம் அல்லவா சென்றிருக்கிறான் !!

என் கனவு இல்லம்

nospam@example.com (malinihariprasad) — Thu, 11 Feb 2010 00:36:22 -0500

என் கனவு இல்லம்
வீட்டின் முகப்பின்
இரு மருங்கிலும் ரோஜாக்கள் !
உள்ளே
படர்ந்து விரிந்த பெரிய கூடம்
நடுவிலே ஊஞ்சல் !
படுக்கையில் படுத்து
அண்ணார்ந்து பார்த்தால் விண்மீன்கள்!
கதிரவனின் கதிர்கள் காலையும் மாலையும்
என் வீட்டு வாசலை தொட்டு செல்லும்!
இரவில் நிலவின் ஒளியும்
என் வாசலை தீண்டாமல் செல்லாது!
இத்தனையும் கண்டேன் என் கனவிலே!
விரைவில் நிறைவேறும் நினைவிலே !

நேரமில்லை

nospam@example.com (malinihariprasad) — Fri, 22 Jan 2010 02:03:09 -0500

அகண்ட விழிகள் !
படர்ந்த நெற்றி !
வரைந்த புருவங்கள் !
மெல்லிய இதழ்களுடன் கூடிய
மலர்ந்த முகத்தை உடையவன் அவன்
ஆனால்
அந்த அழகையெல்லாம் நின்று ரசிக்க
நேரமில்லை வேலைக்கு போகும்
இந்த தாய்க்கு!!

சத்தம்

nospam@example.com (malinihariprasad) — Mon, 18 Jan 2010 00:39:19 -0500

சத்தம்
இது பலருக்கு பிடிக்காத இசை !
ஆனால்
அந்த சத்தத்திலும் இனிமைகள் பல!
குழந்தையின் அழுகை சத்தம்!
தண்டவாளத்தில் ரயிலின் சத்தம்!
கானம் பாடும் குயிலின் சத்தம்!
நம் மனதுக்கு பிடித்த பெயரை
உரக்க சொல்வதும் சத்தம்தான்!
இனிமையான சத்தம்!!

நான் பெறாத மகன்

nospam@example.com (malinihariprasad) — Wed, 13 Jan 2010 07:37:12 -0500

ஹரியின் பெயரை
தன் பெயராய் கொண்டவன் அவன் !
தன் பெயருக்கு ஏற்றார் போல்
தான் செய்யும் லீலைகளால்
கிருஷ்ணனுக்கு ஒப்பானவன் !
சிந்தும் சிரிப்பில் அனைவரையும்
தன் வசப்படுதுபவன் !
கொஞ்சும் மழலையில் பேசி
தன் காரியங்களை சாதிப்பவன் !
ஆனால்,
உணவை கண்டதும் ஓடும் ஓட்டத்தில்
தன் தாயையே மிஞ்சுபவன் !
என்னையும் அவன் தாயாய் ஆக்கியவன்!
அவன்தான்
நான் பெறாமல் பெற்ற மகன் "ஸ்ரீஷ்"

தனிமை

nospam@example.com (malinihariprasad) — Sun, 10 Jan 2010 23:54:52 -0500

என்னை சுற்றி அனைவரும்
இருந்தபோதிலும்
தனிமையை உணர்ந்தேன்
நீ ஒருவன்
என் அருகில் இல்லாததால்!!

என் அப்பா

nospam@example.com (malinihariprasad) — Sat, 09 Jan 2010 00:32:32 -0500

அப்பா
இன்று உன் பிறந்தநாள் !
என் பிறந்தநாளை நினைவில் கொள்ள
தெரிந்த உனக்கு
உன் பிறந்த நாளை நினைவில் கொள்ள
ஏன் தெரியவில்லை ?
எனக்கு புத்தாடை அணிந்து ரசிக்கும் நீ
என்றுமே கதராடையில் மட்டுமே இருப்பாய்!
நான் அனுபவித்த சுகங்கள் அனைத்துமே
உன்னை வருத்தி நான் பெற்றதுதான்
அதற்காக என்னை மன்னித்துவிடு !
ஆனால் அத்தகு வேளையிலும் நீ
என்னை கடிந்து பேசியதே இல்லை !
இன்னொரு பிறவி என்று ஒன்று இருந்தால்
அதில் நான் உன் மகளாக பிறக்க கூடாது
நீ என் மகனாக பிறக்க வேண்டும்
அப்போதுதான் நான் உனக்கு கொடுத்த
வேதனைகளின் வலி எனக்கு புரியும் !!

மழை சுகம்

nospam@example.com (malinihariprasad) — Fri, 08 Jan 2010 01:01:31 -0500

எப்போதெல்லாம் மழை சுகம்
கண் மூடி யோசித்து பார்கிறேன்
பேருந்தின் ஜன்னல் வழியே
சில்லென்று சாரல் மழை
முகத்தில் படும் பொது மழை சுகம் !
சிறு வயதில் நண்பர்களோடு
கொட்டும் மழையில்
விளையாடும்போது மழை சுகம் !
என்னவனின் கைகளை
பற்றிக்கொண்டு மெலிதான தூரலில்
நடக்கும்போது மழை சுகம் !
மழை என்றுமே சுகம்தான்
அது தன் எல்லையை மீறாதவரை !!

மதிப்பு

nospam@example.com (malinihariprasad) — Wed, 06 Jan 2010 06:15:22 -0500

மதிப்பும் மரியாதையும்
கேட்டு பெறகூடியதில்லை
ஒருவர் மேல் நாம் கொண்டிருக்கும்
மதிப்பின் வெளிப்பாடு
அவர் வார்த்தைகளை
பின்பற்றுவது
அல்லது முயற்சிப்பது !
அவர் முன்னிலையில் அல்ல
அவர் இல்லாத போது!!

புத்தாண்டு

nospam@example.com (malinihariprasad) — Wed, 06 Jan 2010 06:11:42 -0500

புதிதாய் பிறந்தது
புத்தாண்டு மட்டுமல்ல !
நாமும் தான் !
ஆம்!
நம் பழைய கவலைகள்
மனக் கசப்புகள், குறைகள்
அனைத்தையும் எரித்து,
நல் எண்ணங்களோடும்
ஆசைகளோடும்
மலர்ந்த முகத்தோடும்
இந்த புத்தாண்டில்
புதிதாய் பிறந்திருக்கிறோம் !!