வெற்றிக்கு தோல்வி என்பது
வாயில் படி ..!
வெற்றி எனும் வீட்டினுள் நுழைய
தோல்வியை முதலில் படி..!!

வெற்றியையும் தோல்வியையும்
அணு அணுவாய்
அனுபவித்துப் படி .!

இரண்டும் ஒன்றே என்ற நிலைக்கு
மனதை பக்குவபடுத்தும்
அனுபவத்தைப் படி ..!!

ஒருமுறை செய்த தவற்றை மீண்டும்
செய்யாதிருக்க அனுபவத்தை படி..!!
அகந்தையை அடியோடு
துடைத்து எறி..!!
படி படியாய் திட்டமிட்டு வெற்றியை
கெட்டியாய் பிடி .!!!

ரோஜாவுடன் முள் என்பது
இயற்கையின் நியதி ..!
வெற்றியும் தோல்வியும் என்பது
மனித வாழ்வியல் விதி ..!!

வெற்றியும் தோல்வியும் மனிதனாக
ஏற்படுத்திக் கொள்ளும் சங்கதி ..!
இதில் இல்லை இயற்கையின் சதி..!!

வசிகரன்.க

உயரத்தில் இவன் குடியிருப்பு ,
உதிர்ந்தபின் இல்லை மதிப்பு ,
தலையில் இருக்கும் வரை
அப்படி ஒரு கவனிப்பு ,
தவறி உணவில் விழுந்தால்
அப்பப்பா ! என்ன ஒரு சலிப்பு ...!!

இவனுக்கு இல்லை மறுபிறப்பு ..!
இன்றுவரை யாரும் முடிக்கவில்லை
இவர்களின் கணக்கெடுப்பு ..!!
உள்ளவரை தலைக்கு
அழகான கரும்பொன் காப்பு ...!!!
உலர்ந்து உதிர்ந்தபின் மனிதன்
உள்ளாகிறான் பரிகாசிப்புக்கு ..!!!!

பெண்ணின் அழகுக்கு வேண்டும்
இவன் அருள்பாலிப்பு .!
மனமிருந்தால் கொடுக்கலாம்
சிறப்பு பாதுகாப்பு .!!
மணமில்லை என்பது
இவனின் தனிச்சிறப்பு ..!!!

இளமையில் இவன்
நிறமோ கருப்பு .!
நடுதர வயதில் மாற்றங்களால்
வரும் வெளுப்பு ..!!
இவனை வைத்து
கொலையாளியை பிடிக்கலாம் என்பது
அறிவியலின் கண்டுபிடிப்பு ..!!!

மொத்தத்தில் இவனை
பேணிகாப்பது என்பது
நம் பொறுப்பு .!
இருப்பதை விட்டு
இழந்தபின் புலம்புவது என்பது
பொறுப்பற்ற பிழைப்பு ..!!

வசிகரன்